चितवन, ८ माघ । आगामी फागुन २१ गते हुने प्रतिनिधिसभा निर्वाचनमा चितवनका कुनै पनि उम्मेदवार विरुद्ध उजुरी परेन ।
बुधबार दिउँसो ३ बजेसम्म उम्मेदवार विरुद्ध उजुरी दिन सकिने समय तालिका रहेपनि कोहि विरुद्ध पनि उजुरी नपरेको मुख्य निर्वाचन अधिकृत कार्यलयका सहायक निर्वाचन अधिकृत देवी भण्डारीले जानकारी दिनुभयो ।
चितवन क्षेत्र नम्बर १ मा २ महिलासहित १९ जनाको उम्मेदवारी परेको छ भने क्षेत्र नम्बर २ मा ७ महिलासहित २३ र क्षेत्र नम्बर ३ मा ९ महिलासहित २३ जनाको उम्मेदवारी परेको छ ।
