झापा, ३२ श्रावण । झापाको मेचीनगरमा एक ४३ वर्षीय पुरूषको हत्या गरी खोल्सीको झाडीमा लुकाइएको अवस्थामा शव फेला परेको छ।
जिल्ला प्रहरी कार्यालय झापाका प्रवक्ता खगेन्द्रप्रसाद रिजालका अनुसार मेचीनगर–८ का ४३ वर्षीय सुन्दर किसानको शव मृत अवस्थामा भेटिएको हो ।
उनका अनुसार घटना किन र कहिले भयो ? भन्ने बारे भने अनुसन्धान भइरहेको छ । जिल्ला र प्रदेश प्रहरीले घट्नाको अनुसन्धान गरिरहेको उनले जानकारी दिए ।
शवको प्रकृति हेर्दा विभत्स तरिकाले हत्या गरिएको देखिन्छ । यद्यपि प्रहरी अनुसन्धान भइरहेकाले अनुसन्धानले नै थप कुरा पत्ता लगाउने प्रवक्ता रिजालले बताए ।
Source: N24
