माल्टामा एक लाख तलबको लोभ देखाएर ६ लाख ठगी

काठमाडौँ, १७ आश्विन । माल्टाको रोजगारीमा एक लाख तलब हुने लोभ देखाएर ६ लाख ठगी भएको पाइएको छ। तनहुँको व्यास नगरपालिका १२ स्थाई घर भइ हाल जिल्ला काठमाडौँको थानकोट बस्ने वर्ष २९ का रञ्जन पाण्डेले विष्णुविक्रम खड्कासमेत ४ जनालाई वैदेशिक रोजगारीको लागि माल्टा पठाइदिने भनी यसरी ठगी गरेको पाइएको छ ।

त्यहाँ जान प्रतिव्यक्ति ८ लाख लाग्ने र माल्टा पुगेपछि एक लाख तलब हुने लोभ देखाएर रकम ठगी गरेका पाइएको छ। आरोपीले पीडितहरूबाट पटकपटक गरी जम्मा ६ लाख रकम ठगी गरेको भेटिएको छ।

रकम लिएर फरार भएका उनीहरूविरुद्ध वैदेशिक रोजगार विभागमा परेको निवेदनका आधारमा खोजतास गर्दा सामाखुसीबाट पक्राउ गरिएको काठमाडौँ उपत्यका अपराध अनुसन्धान विभागले जनाएको छ।

ताजा समाचार