चितवनमा चाडपर्व लक्षित पाँच स्थानमा यात्रु सहायता कक्ष स्थापना

चितवन, २३ आश्विन । चितवनमा दशैँ, तिहार लगायतका चाडपर्वलाई लक्षित गरी यात्रु सहायता कक्ष स्थापना गरिएको छ । चाडपर्वका बेला यात्रुहरु ठगिन र दुःख पाउन सक्ने भएकाले यात्रुलाई आवश्यक सहयोग गर्न सहायता कक्ष स्थापना गरिएको हो ।

केन्द्रीय बसपार्क, पुलचोक, पोखरा बसपार्क, मुग्लिङ बजार र टाँडीमा साेमवार यात्रु सहायता कक्ष स्थापना गरिएको जिल्ला प्रहरी कार्यालय चितवनका प्रवक्ता विजयराज पण्डितले जानकारी दिए ।